ЧЕЧНЯ. Исмаилов Абу "Дош"

ДАЙДЖЕСТ:

ЧЕЧНЯ.  Аьлла долу дош аланза долчу дешан лай ду. (Нохчийн халкъан кица).
Дош
Мел генара хьаьжча,
Лам санна хаалуш,
Сан дош, хьо хилалахь.
Багара дIадаьлча,
Безаман йовхо луш,
Дегнашка дижалахь.

Мичча а хьо кхачахь,
Оьзда а, комаьрша,
ГIиллакхе лелалахь.
Мецачунна — кхача,
Цомгашчунна — маршо
Хуьлуйтуш декалахь.

Ког маса хьадалча,
Сол хьалха а далий,
Нийса некъ харжалахь!
Мотт шера геланча,
Сан дагара алий,
Дуьненчу даржалахь!

Источник: Аргунская газета "Аргун (Орга)"

checheninfo.ru

Добавить комментарий

Первый день недели

Отправить комментарий