ДАЙДЖЕСТ: |
Лараме махкахой!
Ас даггара декъалдо шу Нохчийн меттан денца!
Шен мотт боцург къам дац, олуш ду вайн. Ткъа и мотт бан а болуш, иза ца лелош дерг ах къам бен дац.
Д1адаханчу б1ешеран чаккхенехь вайн къомана хилла халонаш, лайна т1емаш бахьана долуш цу ах къам олучу хьоле девллачуьра вай хьалхадахаран 1алашонца, вайн мехкан Куьйгалхочо, Россин Турпалхочо Кадыров Рамзана къоман меттан х1ара Деза де делла вайна совг1атна. Кху дийне, кху доккхачу дийне вайн къам кхачоран дуьхьа шен дахар д1аделира Нохчийн Республикин хьалхарчу Президента, Россин Турпалхочо Кадыров Ахьмад-Хьаьжас. Дала г1азот къобалдойла цуьнан.
Тахана вайн махкахь х1ора шарахь а лаккхарчу т1ег1анехь даздеш ду Нохчийн меттан де. Х1ара де иштта даздан хьакъ а дара. Х1иццалц мотт а, къомалла а дицдина, шайн берашка а нохчийн мотт ца буьйцуьйтуш леллачу нехан т1аьхьенаш цу тиллачу некъах хьалхаяхарал совнаха, Нохчийн Республикин Куьйгалхочо доккха г1уллакх дина вайн мотт кхин а тобарна, кхин а иза ч1аг1барна, адамашна юкъахь иза кхин а баржорна т1ехь. Цунна б1аьрла тоьшалла ду денна кху махкахь маттаца доьзна деш долу г1уллакхаш. .
Тахана вайн махкахь нохчийн маттахь арадовлуш газеташ, журналаш ду, х1иццалц шега язлуш виъ б1е, пхи б1е стаг бен ца хиллачу "Даймохк" газетан, масала, дешархо тахана кхо эзар сов ву. Дала аьтто бойла вайн цу т1ехь! Суна лаьа юха а кху Нохчийн метан денца шу дерриш а даггара декъала дан! Дала т1аьхье беркате йойла вайн! Барт цхьаъ болуш, ирсе дехийла вай!
Ларамца, Министр Жамалдаев Шаид
![]() |
АДЫГЕЯ. Национальный музей Адыгеи к своему столетию подготовил уникальные экспозиции
ЧЕЧНЯ. Чеченский стартап представит в Китае уникальный браслет для контроля эпилепсии
АСТРАХАНЬ. В Астрахани завершается строительство новой школы в микрорайоне Бабаевского
АРМЕНИЯ. Ереван перейдет на экологичный общественный транспорт
ЧЕЧНЯ. 1919 год. 700 погибших за один день: трагедия села Цоци-Юрт
АДЫГЕЯ. В Адыгее ищут злоумышленников, устроивших провокацию на территории мечети в ауле Козет
АСТРАХАНЬ. Председатель Думы Астраханской области Игорь Мартынов провел личный прием граждан