Х. Тухашев "Сан коша т1ехь" (байташ).

Инфопортал / Библиотека / Читальный зал / Проза, поэзия

25-04-2023Просмотров: 8 111Комментариев: 0

ДАЙДЖЕСТ:

Тахана сан коша т1е х1отта,
Цатамийн д1айоккхуш хьу,
Т1аьххьара а кхечи хьо-м, доттаг1,
Цундела сан 1ийда ду.

Ма дика ду, доттаг1, хьо веъна
Г1уорийна са тедан сан.Сагатлой со воцуш денна
Дог иэт1он, сагатдан хьан ?..

Дийцахьа, х1ун деш ву Ваха,
Бадрудди, Муса, 1адлан ?
Маржа я1, таро яц гойла!
Кхиъний-те уьш со вицван?

Ткъа кхузахь-м, х1ун дуьйцур хьуна,
Нах хьоьгур болуш хьал дац.
К1еданиг ца кхаьчна суна
Лахьта а. Тамаш а бац...

Парг1ата керча тхан зама…
Де-буьйса лоруш а дац.
Хьажахьа, со хабаре ваьлла…
Хьо х1умма а олуш ма вац ?

К1езиг хан яц кхузахь волу,
Шух цхьа а т1ех1уттуш вац.
Наггахь дог к1адделча варах,
Хетарехь, х1умма а дац.

Дуьненахь ала ца кхиънарг,
Доттаг1а, х1инца схьаала.
Байттамал, ма т1аьхьа кхийти
Хьо суна орцаха вала !..

Дишни-Ведана, 1982-г1а шо.

checheninfo.ru