ДАЙДЖЕСТ: |
Миллионер хилла волу Чермоев Тапа хилла боху цхьана йо1ана т1ехьийзаш. Цхьана юьрта ловзарга яхана 1аш и йо1 хилла, шен б1оца веана кхаьчча цига Тапа а. Нахана а хууш хилла боху оцу йо1ана и т1ехьийзаш хилар а, цо цунна хан йиллнна хилар а. Ч1ог1а вазвина т1еэцна Тапа шен б1оца.
Ловзар доладелла д1адоьдуш, оцу йо1ана хаавелла шен везар кхечуьнга сакъоьруш 1аш хилар. Ч1ог1а халахетта, ша стиглахь ю я лаьттахь ю ца хууш, йоьхна боху и йо1, и шена хиъча.
Хелхавала юкъаваьлла боху Тапа. Дерриг а халкъ хьалаг1аьттина. Вукху йо1аца хелха а ваьлла, охьахиъна Тапа. Иза хелхаволуш, хан а йиллина йолчу х1окху йо1ана когаш хьалха герз кхоьссина цуьнан накъосташа.
Цу хенахь цига, т1ехьаьжна беркъа а волуш, цхьа бере кхаьчна хилла боху.
Хелхаваккха юкъаваьккхина иза. Х1окху йо1а хабар кхетийтина цунах, иштта х1окху дуьненан х1ума кхоор дацара ша хьуна, ша хелха а яккхахьара ахьа, хьайгахь герзах х1ума елахь. Тапина т1екхаьчча, иза а кхоссахьара ахь аьлла. Х1окху йоь1аца хелхаваьлла и бере. Кхо ма-аллара, Тапина т1екхаьчча, хьалха лаьттах тапча йиттина кхо цунна, т1е латташ а детташ.
Буьрса хьалаиккхира боху Чермоев Тапа. Ловзар дап-аьлла сецна боху.
- Цхьана лаьмнашкара охьавеана цхьа суьйле хир ву хьо, ас хоуьйтур ду хьуна, - аьлла, вист а хуьлуш, меттиг йиллина боху цо кхуьнца, лата дагахь:
- Хьо стаг велахь, иштта оцу метте вола, - аьлла.
- Вайшиннах суьйле мила ву цкъа къастор ду вайшимма, - аьлла вукхо, - наха вуьйцуш волу харачойн Зеламха ша ву-кх хьуна, шена т1ехула долу верта даржош д1а а дахийтина.
Верта охьакхоьссича, нахана гина боху цуьнан дег1аца долу герз.
- Хьо стаг велахь, айхьа йиллинчу метте д1авог1ур хьо, - аьлла, шен дина т1е а хиъна, иккхина ваьлла вахана боху харачойн обарг Зеламха.
Источник: http://abrek.org
![]() |
В России стартовала Международная гуманитарная премия «Совесть»
АРМЕНИЯ. Магдалена Гроно назначена спецпредставителем ЕС по Южному Кавказу
С. ОСЕТИЯ. Чемпион мира по дзюдо И. Тасоев посланием на французском оставил Ринеру
АРМЕНИЯ. В Иране опровергли информацию о военном соглашении с Арменией
С. ОСЕТИЯ. В Алагире бродячая собака напала на 5-летнего ребенка
СЕВАСТОПОЛЬ. Временное ограждение установят на Приморском бульваре Севастополя
СЕВАСТОПОЛЬ. В Севастополе впервые проведут выставку охотничьих трофеев